E grandiose Start😊

Hallo zämme

Scho vil friehner hän mr de erschti Reisebricht welle blogge, doch die miserable bis nid vorhandene Internetverbindige hän uns e Strich durch d Rächnig gmacht...

Planmässig sin mr am 3. Oktober mied in Johannesburg oder no cooler "Joburg" acho, e kleini Stadtrundfahrt hän mr grad no gschafft, bevor mr glücklich und z friede pfuust hän😊

Mitem Mietauto hän mr am nägschte Tag unseri Irrfahrt Richtig Blyde River Canyon gstartet...Zum "Spass" sin mr eimol nach Pretoria gfahre um uns vomene bsoffene Bowlingspieler am 11i am Morge erkläre z lo dass mr wieder zrugg nach Johannesburg mien...Die ganze Reisestrapaze hän sich glohnt, d Gegend vo Mpumalanga isch e Traum...

Am 4. Tag hän mr für zwei Nächt unseri Lodge im Krüger Nationalpark bezoge, herrlich isch es gsi in gehobenem Ambiente z läbe...durch mehreri Pirschfahrte hän mr d Tierwelt erkundet. Elefante us wenige Meter z gseh oder d Leue bim verzehre vomene Elefant z beobachte sin nur zwei vo vielne tolle Erläbnis.

E Abstächer durch Swasiland het uns denn heil nach St. Lucia brocht, wo mr euch s erschte mol brichte chönne. D Gegend vo Swasiland isch schön, doch d Armuet het e blibende Idruck hinterlo. Gfreut hän mr uns übers winke vo de kleine Kinder am Strosserand:-)

Bilder folge...

E schöns Wucheend und bis bald😉

10.10.14 20:37

Letzte Einträge: WICHTIG!!!

bisher 2 Kommentar(e)     TrackBack-URL


Stehrenberger Guido (11.10.14 11:07)
hallo ihr zwei liebe
das isch e super sach...... so chan an eurer reis teilneh 😎😎
bi in gedanke bi euch
mutz 😘 papilein


Muriel (17.10.14 11:34)
Bonjour :-)
viel viel Spass beim Entdecken !!! Südafrika ist ganz sicher Super Toll !
ich möchte gerne mehr Fotos von euch beide :-)
LG, Muriel

Name:
Email:
Website:
E-Mail bei weiteren Kommentaren
Informationen speichern (Cookie)


 Smileys einfügen