WICHTIG!!!

Unsere Blog isch neu unter folgender Adresse z finde: http://waeltreis.jimdo.com

14.10.14 19:47, kommentieren

11.10.14 18:30, kommentieren

Johannesburg

11.10.14 17:13, kommentieren

E grandiose Start😊

Hallo zämme

Scho vil friehner hän mr de erschti Reisebricht welle blogge, doch die miserable bis nid vorhandene Internetverbindige hän uns e Strich durch d Rächnig gmacht...

Planmässig sin mr am 3. Oktober mied in Johannesburg oder no cooler "Joburg" acho, e kleini Stadtrundfahrt hän mr grad no gschafft, bevor mr glücklich und z friede pfuust hän😊

Mitem Mietauto hän mr am nägschte Tag unseri Irrfahrt Richtig Blyde River Canyon gstartet...Zum "Spass" sin mr eimol nach Pretoria gfahre um uns vomene bsoffene Bowlingspieler am 11i am Morge erkläre z lo dass mr wieder zrugg nach Johannesburg mien...Die ganze Reisestrapaze hän sich glohnt, d Gegend vo Mpumalanga isch e Traum...

Am 4. Tag hän mr für zwei Nächt unseri Lodge im Krüger Nationalpark bezoge, herrlich isch es gsi in gehobenem Ambiente z läbe...durch mehreri Pirschfahrte hän mr d Tierwelt erkundet. Elefante us wenige Meter z gseh oder d Leue bim verzehre vomene Elefant z beobachte sin nur zwei vo vielne tolle Erläbnis.

E Abstächer durch Swasiland het uns denn heil nach St. Lucia brocht, wo mr euch s erschte mol brichte chönne. D Gegend vo Swasiland isch schön, doch d Armuet het e blibende Idruck hinterlo. Gfreut hän mr uns übers winke vo de kleine Kinder am Strosserand:-)

Bilder folge...

E schöns Wucheend und bis bald😉

2 Kommentare 10.10.14 20:37, kommentieren

Reisebrichtli...

Hallo zämme

Do wärde mir euch mit Text und Bild ufem Laufende halte.

Mir wünsche euch e gueti Zyt und vil Spass bim läse und luege:-)

Liebi Griess

Delia&Pascal 

7.8.14 16:28, kommentieren